Усяго ў свеце 29 падобных устаноў, пяць з іх, у тым ліку і беларускі, рыхтуюць спецыялістаў на рускай мове. Далёка не ўсе могуць атрымаць магчымасць стварыць такі цэнтр у сваёй дзяржаве. Для гэтага неабходна паказаць высокія стандарты ў галіне авіяцыйнай бяспекі і пацвердзіць прафесіяналізм. Паводле слоў спецыялістаў, з'яўленне навучальнага цэнтра ў нашай краіне мае вялізнае значэнне, бо бяспека ў паветры ствараецца на зямлі. А зараз рыхтаваць спецыялістаў мы зможам прама ў Беларусі.
Луіс Фансека дэ Альмейда, дырэктар рэгіянальнага бюро ІКАО: "Беларусь вельмі важная ў рэгіёне рускамоўных краін. І мы былі вельмі рады, калі ваша краіна выявіла жаданне адкрыць такі цэнтр у сябе. І мы, вядома ж, падтрымалі гэтую ідэю і супрацоўнічаем з Беларуссю".
Асноўная функцыя цэнтра ІКАО - стандартызацыя навучання спецыялістаў у галіне авіяцыйнай бяспекі. Грамадзянская авіяцыя - глабальная з'ява, і прадстаўнікі цэнтра робяць усё для гарманізацыі і ўніфікацыі навучання ў дадзенай сферы.
