Вынікі напярэдадні падвялі прадстаўнікі аграэкатурыстычнага напрамку на міжнароднай канферэнцыі ў Мінску. За 9 месяцаў года беларускія сядзібы наведалі больш чым 3 мільёны гасцей з дзясяткаў краін.
Гаварылі і наконт развіцця папулярных сёння сеткі веламаршрутаў, самабытных сядзіб і зялёнай эканомікі. Абмеркавалі і падыходы да стварэння незвычайных аграсядзіб, якія, тым не менш, не адмовяцца ад славянскага каларыту і спрадвечна беларускіх традыцый.
Алена Пярмінава, дырэктар дэпартамента Міністэрства спорту і турызму Беларусі: "Агратурызм з'яўляецца адным з самых перспектыўных напрамкаў. Дзяржава будзе ствараць усе неабходныя ўмовы для таго, каб аграэкатурызм, экалагічны турызм, зялёны турызм, як яго яшчэ называюць, развіваўся ў нашай краіне".
Ніна Главацкая, уладальнік аграсядзібы: "Напрыклад, я ў навагоднюю ноч буду прымаць аўтобус з кітайскімі студэнтамі. Яны хочуць прыехаць у Беларусь, каб адчуць, як беларусы сустракаюць Новы год. Менавіта наш Новы год - з шампанскім, Дзедам Марозам і Снягуркай".
Напярэдадні запрацаваў інтэрнэт-партал з гастранамічнай картай Беларусі. Каб пазначыць усе "смачныя” пункты, арганізатары праекта праехалі 4 тысячы кіламетраў і пабывалі ва ўсіх кутках нашай краіны.
