Пандэмія каранавіруса агаліла яшчэ адну праблему сучаснага грамадства. У свеце пачасціліся выпадкі хатняга гвалту. Беларусь гэта кранула ў меншай ступені. Мы не закрываліся, працягвалі працаваць прадпрыемствы, а значыць - людзі жылі па звыклым укладзе. Тым не менш, і ў нашай краіне наспела неабходнасць унясення змяненняў у дакументы, якія рэгулююць прафілактыку гвалту ў сям'і. Адпаведны законапраект у ніжняй палаце парламента быў прыняты ў першым чытанні. А сёння падчас круглага стала ў рамках падрыхтоўкі да другога чытання дэпутаты, прадстаўнікі праваахоўных органаў, сістэмы аховы здароўя, адукацыі, працы і сацыяльнай абароны яшчэ раз расставілі акцэнты.
Усе змяненні будуць накіраваныя не на пакаранне, а на прафілактыку! Аналагічныя законапраекты ў сферы процідзеяння хатняму гвалту сёння дзейнічаюць больш чым у 120 краінах свету.
