Беларусы сталі больш "калясіць" па сваёй краіне. У Нацыянальным агенцтве па турызме сёння падвялі вынікі падарожжаў паўгоддзя. Як змяніўся рынак прапаноў турпаслуг, і ці варта чакаць зніжак у гэтым сезоне? - у рэпартажы Вольгі Анішчанкі.
Пра тое, што прадаваць свой турпрадукт за мяжу сёлета стала куды цяжэй, гаворыць статыстыка маркетолагаў розных узроўняў. Санаторыі адзначаюць наяўнасць месцаў нават у гарачыя месяцы (дарэчы, жнівень пад завязку яшчэ "не запоўнены"), а гасцініцы падлічваюць прабелы ў запаўняльнасці сваіх фондаў. Між тым, эксперты гавораць: калі асноўны, расійскі, кліент выпрабоўвае складанасці, можа выйграць кліент беларускі. Галоўнае, правільна расставіць прыярытэты.
Змена кліентуры на рынку добра прыкметна на прыкладзе беларускіх санаторыяў. Калі раней расіяне выкуплялі каля траціны пуцёвак, зараз попыт знізіўся амаль удвая. Пры гэтым базы не пустуюць: ложкамесцы запаўняе беларускі спажывец. Прыцягнуць кліента дапамагаюць бонусы: шматлікія санаторыі ўпершыню спрабуюць зніжкі і раннія продажы.
Актыўны адпачынак у Беларусі свае пазіцыі таксама не здае. Турысты эканомяць, не адмаўляюць эксперты: праводзяць у дарозе менш часу, адмаўляюцца ад суправаджэння.
Зараз Беларусі востра патрэбны адзіны рэестр помнікаў культурнай спадчыны, напрыклад, у якасці мабільнага дадатку, - гавораць бывалыя турысты. Тэма асабліва актуальная для прыгранічча, дзе помнікаў шмат, а штрафы вялікія.
Праблему бачаць і чыноўнікі: гавораць, адзіная база тураб'ектаў з зразумелай інфраструктурай і асаблівасцямі наведвання з'явіцца абавязкова. Зараз гэтая задача прыярытэтная. Плануюць, што ў ёй будуць не толькі аб'екты, але і самыя прыкметныя падзеі туріндустрыі. Яны падкажуць, куды адправіцца, калі дарога кліча.
