Законапраект "Аб абыходжанні з жывёламі" плануюць завяршыць ужо ў маі. У верасні яго разгледзяць у Палаце прадстаўнікоў. Дакумент таксама ўрэгулюе пытанні абароны жывёл, выкарыстанні іх у медыцынскіх і навуковых мэтах. У ім выразна прапішуць умовы ўтрымання, выгулу, рэгістрацыі і чыпіравання хатніх гадаванцаў, а таксама адказнасць іх гаспадароў у выпадку, калі жывёла прычыніць шкоду здароўю іншага чалавека.
У тэме разбіралася Паліна Іванча.
На тое, колькі катоў жыве ў гэтай кватэры, абураныя суседзі па доме вось ужо 9 гадоў літаральна робяць стаўкі. Паскардзіцца афіцыйна, на жаль, пакуль няма каму.
Па той бок дзвярэй гасцей не чакаюць. Менавіта таму ўсе звароты, якія на працягу 9 гадоў пісалі суседзі пенсіянеркі камунальнікам, засталіся ўсяго толькі лісткамі паперы. З гаспадыняй кватэры спрабавалі размаўляць не раз, але часцей за ўсё з візітам суседзяў, супрацоўнікаў ЖЭСа або, вось як сёння, журналістаў за дзвярамі толькі больш энергічна пстрыкае замок. Тым не менш, некалькі дзён таму праблема быццам бы знікла. Зараз каты - афіцыйна бяздомныя. Прымусіць гаспадыню не разводзіць прама ў кватэры заапарк - па законе немагчыма. Абмежаванняў не было. Да нядаўняга часу. Зараз на пытанне - колькі павінна быць катоў, сабак або папугаяў у адной кватэры - адкажа новы закон "Аб абыходжанні з жывёламі", падрыхтоўка праекта якога запланаваная на гэты год. Ліміт плануюць устанавіць у тых выпадках, калі такая любоў перашкаджае не толькі гаспадару і суседзям, але і самім хатнім гадаванцам. Праект закону вызначыць прававое становішча і сацыяльных прытулкаў для жывёл, паслядоўную схему іх стварэння. У дакуменце назавуць правы і абавязкі валанцёраў.
Аксана Ніціеўская, валанцёр: "Нешта каля 50 катоў у нас у прытулку. У нас маленькае памяшканне - мы не можам узяць усіх, каго б жадалі ўзяць. Мы забіраем з "Фаўны горада" - у прынцыпе, для гэтага і быў створаны наш прытулак. І забіраем "траўму" з вуліцы".
Новы закон таксама забароніць забойства жывёлін негуманнымі метадамі. Завяршыць законапраект плануюць у маі і ўжо ў верасні ўнесці ў Палату прадстаўнікоў. Дакумент будзе рэгуляваць не толькі пытанні абароны жывёл, але і выкарыстанне іх у медыцынскіх і навуковых мэтах. У ім выразна прапішуць умовы ўтрымання, выгулу, рэгістрацыі і чыпіравання хатніх гадаванцаў, а таксама адказнасць іх гаспадароў у выпадку, калі жывёла прычыніць шкоду здароўю іншага чалавека. Дакладную дэфініцыю атрымае адно з самых галоўных паняццяў законапраекта - "дабрабыт жывёл".
Пакуль у Беларусі няма нават дакладнага азначэння "хатнія жывёлы". Сёння да іх адносяць усіх прыручаных - і ката, і сабаку, і хамяка, і нават… матылька. Як спадзяюцца зааабаронцы, гэты пункт у новым законе з'явіцца ўжо гэтай восенню.
