Сёння ў Беларусі больш за 115 тысяч работнікаў педагагічнай сферы, а на аднаго настаўніка прыпадае ў сярэднім 9 вучняў. З кожным годам прэстыж гэтай прафесіі расце. У Педагагічным універсітэце імя Максіма Танка сёлета конкурс на некаторыя спецыяльнасці перавышаў 10 чалавек на месца.
Таццяна Лукша, дырэктар гімназіі № 24 г. Мінска: "Прафесія настаўніка - гэта маё жыццё. Я прафесію гэту выбрала са школьнай парты, яшчэ вучаніцай. Я заўсёды паважала настаўнікаў, заўсёды яны для мяне былі прыкладам, заўсёды імкнулася быць падобнай, таму што ў кожнага чалавека, напэўна, ёсць той настаўнік, дзякуючы якому, напэўна, адбыліся і ўся яго прафесійная дзейнасць, і ўсе яго дасягненні".
Міністэрства адукацыі Беларусі сумесна з экспертнай групай Беларускага эканамічнага ўніверсітэта распрацавала падыходы па стымуляванні навуковых работнікаў, аспірантаў, дактарантаў. Прадугледжана і паэтапнае павышэнне зарплат педагогам на 2019-2025 гады.
