У Беларусь вярнуўся самалёт, які даставіў гуманітарную дапамогу Кітаю

Пяць грамадзян Беларусі эвакуіраваныя сёння з кітайскай Ухані. Пра гэта паведамляе наша пасольства ў Кітаі.   Раней стала вядома, што ўсяго ў правінцыі Хубэй, дзе адбыўся выбух каранавіруса, знаходзяцца 12 нашых суайчыннікаў. Гэта студэнты, магістранты, людзі, якія прыехалі ў Кітай працаваць, а таксама тыя, хто аказаўся тут транзітам. Паводле паведамлення МЗС Кітая, замежныя грамадзяне могуць пакінуць рэгіёны правінцыі Хубэй на падставе афіцыйнага запыту пасольства.

І сёння ў Беларусь вярнуўся самалёт, які даставіў гуманітарную дапамогу ў Кітай. Ён прызямліўся раніцай у Мачулішчах. Палёт прайшоў у штатным рэжыме. Экіпаж з задачай зладзіўся на выдатна, гаворыцца ў паведамленні, апублікаваным у тэлеграм-канале Мінабароны Беларусі. Першай на борт паднялася брыгада медыкаў, якія праверылі стан усіх прысутных.

Ваенна-транспартны самалёт з беларускай гуманітарнай дапамогай вылецеў у Кітай 29 студзеня па загадзе Прэзідэнта  і прывёз у дружалюбную краіну каля 20 тон тавараў медыцынскага прызначэння. Усе беларускай вытворчасці. На борце разам з ратавальнікамі і медыкамі знаходзілася і наша здымачная група. Беларусь - першая краіна, якая накіравала Кітаю гуманітарны груз у сувязі з выбухам новага смяротнага віруса.