У Беларусь прыбудзе новая партыя знішчальнікаў

Новая партыя самалётаў Су-30 прыбудзе ў Беларусь. Чакаецца, што першая пара шматмэтавых знішчальнікаў прызямліцца на авіябазе ў Баранавічах заўтра. Пра гэта сёння заявіў міністр абароны Андрэй Раўкоў на семінары з кіраўнікамі рэспубліканскіх СМІ. За мінулы год ва Узброеныя сілы пастаўлена больш за 500 адзінак узораў новай і мадэрнізаванай тэхнікі. 

У гэтыя хвіліны ў Печах на базе 72-га аб'яднанага навучальнага цэнтра працягваецца штогадовы міністэрскі семінар для кіраўнікоў рэспубліканскіх СМІ. Топ-менеджары масмедыя азнаёмяцца з падрыхтоўкай танкістаў і вадалазаў, а таксама наведаюць ваенныя аб'екты цэнтра і навучальныя стрэльбы.