Амаль дзве з паловай сотні выпадкаў заражэння шаленствам жывёл і экстранная вакцынацыя. У Гомельскай вобласці ў аграгарадку ўвялі каранцін па шаленстве. У вёсцы Пакалюбічы ліса накінулася на маму з дзіцем. Гэта здарылася раніцай недалёка ад дома. Драпежнік зусім не баяўся чалавека і спрабаваў напасці. На дапамогу суседцы прыйшоў аднавясковец.
Рэпартаж Аляксея Немава. Лісу ў вёсцы ніхто не чакаў убачыць. Жывёла паводзіла сябе агрэсіўна. Алена гаворыць, больш спалохалася нават не за сябе, а за дзіця.
Яна вырашыла загарадзіць сабою сына, але страціла раўнавагу і павалілася. У гэты момант лісу літаральна пратараніла машына суседа. Ад удару жывёлу адкінула ў бок.
На крыкі аб дапамозе прыйшоў сусед. Мужчына забіў жывёлу. На месца надзвычайнага здарэння адразу ж выклікалі спецыялістаў.
Экспертыза пацвердзіла - ліса заражана шаленствам. Аграгарадок закрылі на каранцін. Ветэрынары правялі экстранную вакцынацыю хатніх жывёл. І гэта, дарэчы, не першы выпадак у раёне. У жніўні і верасні на тэрыторыі вёскі Грабаўка і аграгарадка Цярэшкавічы таксама ўводзіўся каранцін. Паводле слоў спецыялістаў, зараз у рэгіёне сітуацыя пад кантролем.
Гомельская вобласць сёлета ў лідарах па колькасці выпадкаў шаленства ў жывёл. З пачатку 2016-га такіх выпадкаў амаль дзве з паловай сотні. Гэта прыкладна палова ад агульнай колькасці ў краіне. Прычына ў павелічэнні папуляцый драпежніка ў дзікай прыродзе. І ў безадказнасці людзей. Большасць хатніх гадаванцаў - асабліва ў сельскай мясцовасці - вакцынай ад шаленства не прышчэпленыя.