Ураджай экзатычнай садавіны збіраюць у Віцебскай вобласці

30 Студзеня 2018

Бананы, апельсіны, лімоны і нават кававае дрэва растуць у аграсядзібе ў Чашніцкім раёне. Маляўнічае месца на беразе возера ацанілі турысты з Расіі, Японіі і Кітая. Сюжэт - Марыны Раманоўскай.

Экзатычная садавіна ў гэтай аграсядзібе дае ўраджай незалежна ад пары года. Яшчэ трохі і даспеюць бананы. Трапічны аазіс тут з'явіўся сем гадоў таму. Пад зімовы сад адвялі дванаццаць сотак.

Зараз у аранжарэі самыя розныя віды раслін. На поўначы Беларусі спеюць апельсіны, мандарыны, бананы. Побач расце і гіганцкі фікус - сапраўднае ўпрыгожванне экзатычнай плантацыі.

Каб вечназялёныя расліны на поўначы Беларусі пачуваліся як дома, патрэбен вызначаны клімат. Нават калі за акном мінус, у трапічным садзе стабільна дваццаць градусаў цяпла. Так што ў студзені сезон самакатаў тут у самым разгары.

Адпачыць пад пальмамі прыязджаюць госці з розных краін. Расія, Кітай, Японія, Германія. Толькі летась трапічны адпачынак на поўначы Беларусі выбралі не меней за восем сотняў турыстаў. Шматлікія падзякі ў кнізе водгукаў у тым ліку за свежыя сокі і хатняе фруктовае варэнне.

У агранамічных планах - частаваць гасцей і ананасамі з уласнага ўчастку. А пакуль самы час збіраць ураджай цытрусавых. Гарбата з хатнімі лімонамі, гаворыць гаспадыня, правераны сродак для падтрымання не толькі імунітэту ўзімку, але і добрага настрою.