Універсітэцкія суботы для школьнікаў пачалі праводзіць у сталіцы

Праект дапамагае вызначыцца з будучай прафесіяй. Так, Беларускі дзяржаўны тэхналагічны ўніверсітэт наведалі старшакласнікі Мінска, Лагойска, Рудзенска і Чэрвеня. Для іх выкладчыкі ВНУ правялі майстар-класы і пазнаёмілі з абсталяваннем лабараторыі. Школьнікі не толькі даведаліся, што такое палімеры, але і папрацавалі на ліцейнай машыне.

Такія сустрэчы старшакласнікаў і выкладчыкаў ВНУ плануецца праводзіць кожную суботу да канца навучальнага года. У гэтыя выхадныя пройдзе майстар-клас па інжынернай справе.