Адна з вядучых творчых ВНУ краіны адзначае юбілей. Беларускі дзяржаўны ўніверсітэт культуры і мастацтваў - альма-матар музыкантаў, вакалістаў, танцораў, рэжысёраў - адзначае саракавы дзень нараджэння. Свае віншаванні калектыву ВНУ перадаў Кіраўнік дзяржавы Аляксандр Лукашэнка.
Сёння на сцэне Палаца Рэспублікі творчыя нумары свайму ўніверсітэту падарылі лепшыя студэнты, сярод якіх і лаўрэаты спецфонда Прэзідэнта па падтрымцы таленавітай моладзі. Са сцэны гучалі беларускія народныя матывы і мелодыі інструментальных п'ес. Толькі за мінулы год студэнты, мастакі і творчыя калектывы ВНУ прынялі ўдзел у некалькіх дзясятках міжнародных конкурсаў і фестываляў і ў многіх з іх сталі пераможцамі.
