Хто ж першым атрымае яе ў распараджэнне - раскажа Юрый Шаўчук.
Распрацоўкай беспілотнага апарата Міст-1 Міхаіл Степанцоў заняўся 3 гады таму. У свой час за штурвалам самалёта былы ваенны лётчык правёў больш чым 18 тысяч гадзін, таму сёння афіцэр запасу з авіяцыяй на ты. Гэты вопыт яму дапамог вывесці формулу ідэальнага беспілотніка: арыгінальная форма плюс мінімальная маса.
Нягледзячы на аб'ём апарата, важыць ён усяго каля 3 кілаграмаў. У будучыні, калі на беспілотнік будзе ўсталяванае ўсё неабходнае, яго вага не перавысіць больш як 4 кілаграмы, што забяспечыць максімальную манеўранасць і мабільнасць Міста.
Такія параметры апарата дазваляюць яму набіраць вокамгненную стартавую пад'ёмную хуткасць - 10 метраў за секунду. Пры гэтым беспілотнік можа праляцець да 20 кіламетраў без дазапраўкі. А калі таго запатрабуе сітуацыя, Міст завісне ў небе больш чым на суткі.
Міхаіл Степанцоў, распрацоўшчык беспілотнага лятальнага апарата Міст-1: Ён мае павышаныя магчымасці хуткасныя і, акрамя гэтага, калі ён убачыў нейкі аб'ект, ён можа завіснуць над гэтым аб'ектам. Вызначыць яго характар, якія яго асаблівасці, што там, дзе знаходзіцца.
Малюначак з беспілотніка ў анлайн-рэжыме будзе паступаць на камп'ютар аператара. Прычым кіраваць апаратам можа ўсяго адзін чалавек у любых палявых умовах. Гэта яшчэ адзін плюс унікальнай распрацоўкі курсантаў Мінскага авіяцыйнага каледжа.
У дадатак да ўсяго гэтага абсталявання на беспілотніку з'явяцца 4 відэакамеры, каб атрымліваць агляд на 360 градусаў. Яшчэ адзін плюс - характарыстыкі мадэлі дазволяць апарату паднімаць у паветра вагу больш за ўласную масу. Стваральнікі Міста ўпэўненыя: выдатныя здольнасці дазволяць іх стварэнню знайсці сваё выкарыстанне не толькі ў грамадзянскай сферы, але і ваеннай авіяцыі. Зараз зборка беспілотніка знаходзіцца на фінішнай прамой. Ужо найбліжэйшым часам на доследны ўзор усталююць рухавікі, пасля чаго ён здзейсніць свой першы палёт.