Расказвае Дзмітрый Цітоў.
Спачатку беларусы вынайшлі веласіпед, за які атрымалі фінансавую падтрымку ад мільярдэра Рычарда Брэнсана. Зараз стартап Kino-mo трансфармаваўся ў галаграмы, што лунаюць, і здзівіў яшчэ і багача Марка К’юбана.
Мінск уразіць усіх новымі віртуальнымі білбордамі. Галаграмы ўбачаць госці Еўрапейскіх гульняў.
З вясны мы бяром курс на IT-краіну. Упершыню сёлета на нас звяртаюць увагу гіганты IT-індустрыі - разам з Uber думаем над беспілотнымі аўтамабілямі, а Google купляе наш стартап. Такога ў беларускім IT-летапісе яшчэ не было.
Пад Новы год падпісаны дэкрэт ПВТ 2.0. Пра гэта трубяць усе сусветныя СМІ. Што такое блокчэйн і крыптавалюты - зараз можна даведацца ў нас. Беларусь першай у свеце ўключыла зялёнае святло для гэтай тэхналогіі. Дарэчы, у БНТУ зараз будуць рыхтаваць па спецыяльнасці "Крыптавалюты". І навошта зараз Кіпр, калі ёсць Беларусь, абмяркоўваюць у Сетцы.
Гэта лепшая IT-салянка года па версіі АТН. Датчык, які вызначае ўзровень забруджвання паветра. Кардыялагічны цэнтр у кішэні. Дапоўненая рэальнасць для аперацый. Дроны і мадэм для паляпшэння якасці земляробства.
І, вядома, нашы робаты, якія трапілі ў дзясятку лепшых на алімпіядзе ў Коста-Рыцы.
Ёсць што ўспомніць у Год навукі. Нага на педалі першага беларускага электрамабіля. Зараз у планах зрабіць і сваю батарэю. Сабраны офісны суперкамп’ютар, які выконвае да 20 трыльёнаў аперацый за секунду. І ўдвая больш круты за "СКІФ".
Навукоўцы зазірнулі ў будучыню, апісаўшы ў афіцыйным дакуменце ўсё па пунктах да 2040 года. Галоўнае, гэта манетызацыя навуковых распрацовак. Такі вынік з'езда навукоўцаў. Пачынаецца новы этап - час станаўлення інтэлектуальнай эканомікі. Гэтаму дзяржава будзе ўсяляк садзейнічаць.
Адкрыццём года сусветнага значэння лічацца знойдзеныя ў Жыткавіцкім раёне старажытныя паселішчы славян, датаваныя 4 стагоддзем нашай эры. Дзякуючы нашым навукоўцам мы ведаем, што яны з'явіліся на 200 гадоў раней, чым лічылася.
Створаная сістэма ДНК-пашпартызацыі чалавека, якая будзе спрыяць пераходу да персаналізаванай медыцыны.
Тэма адукацыі была ключавой і на Рэспубліканскім педсавеце. Менавіта эканоміка ведаў, а таксама прафесіяналы ў сваёй сферы забяспечваюць канкурэнтаздольнасць краіны, падкрэсліў Прэзідэнт.
Мы ўжо прайшлі два этапы развіцця адукацыйнай сферы - перыяд ломкі і станаўлення. І зараз знаходзімся на парозе трэцяй ступені - удасканалення.
