З дапамогай найноўшых тэхналогій урачам удалося выратаваць жыцці дзясяткам тысяч пацыентаў. Прычым сярод іх не толькі беларусы, але і грамадзяне Германіі, Францыі і ЗША.
Прама з аперацыйнай - Аляксей Радзівонаў.
Толькі падрыхтоўка да гэтай аперацыі заняла некалькі месяцаў. Як яе зрабіць, пакуль не напісана ні ў адным медыцынскім выданні не толькі нашай краіны - свету. Пацыента з дыягназам "злаякасная забрушынная пухліна", які атрымаў адмову практычна ва ўсіх лепшых клініках планеты, рызыкнулі выратаваць менавіта ў нашай краіне.
Уладзімір Жаркоў, хірург, галоўны навуковы супрацоўнік РНПЦ анкалогіі і медыцынскай радыялогіі імя Аляксандрава: "Сапраўды ў нашым цэнтры выконваюцца перыядычна аперацыі, якім няма аналагаў нідзе ў свеце. Гэтаму не выкладаюць у інстытутах, ва ўніверсітэтах. Усё прыходзіцца вырашаць на месцы, вырашаць комплексна, вырашаць з прыцягненнем спецыялістаў з іншых цэнтраў розных спецыяльнасцяў".
Акрамя сумесных кансультацый аперыраваць хворага ўрачы таксама вырашылі разам. У кожнага тут, як гавораць самі медыкі, свой фронт працы. І метафара таксама не выпадковая: праз некалькі хвілін у аперацыйнай пачнецца сапраўды вайна - вайна за жыццё пацыента.
Сама ўнікальная аперацыя праходзіць у некалькі этапаў. Першы, гэта, вядома, падрыхтоўчы, калі пацыента яшчэ ў аддзяленні рыхтуюць да складанага лячэння. Далей яго адпраўляюць у саму аперацыйную. Напрыклад, зараз мы знаходзімся ў аперацыйным блоку № 4, дзе група з хірургаў і анестэзіёлагаў выконваюць галоўную працу - выдаленне пухліны.
Простай мовай - метастазы пухліны з ныркі перайшлі на іншыя жыццёва важныя органы, у тым ліку і на пазваночнік пацыента. Курсы хіміятэрапіі не дапамаглі. Аперацыя ж можа не проста выратаваць - вярнуць пацыента да паўнавартаснага жыцця. А шанцы на гэта яшчэ зусім нядаўна, улічваючы шматлікія адмовы ў вядучых клініках свету, былі роўныя нулю. Усяго за пяць гадзін, а менавіта столькі доўжылася складаная хірургічная працэдура ў беларускім навукова-практычным цэнтры, тыя самыя шанцы ўзраслі на трэць. Калі, вядома, усё ў далейшым пройдзе паспяхова, з уласцівай ім асцярожнасцю дадаюць хірургі.
Уладзімір Жаркоў, хірург, галоўны навуковы супрацоўнік РНПЦ анкалогіі і медыцынскай радыялогіі імя Аляксандрава: "Мы ў нашым цэнтры выявілі цэлы пласт пацыентаў, якім ва ўсім свеце, звяртаю ўвагу, ва ўсім свеце адмаўляюць у аперацыі, лічачы гэта бесперспектыўнай справай. І аддаюць перавагу менш эфектыўным хіміі і прамянёвым метадам лячэння, пасля якіх ніхто з іх не перажывае двухгадовы тэрмін назірання".
Кожны год у беларускім Навукова-практычным цэнтры анкалогіі барацьбу са злаякаснымі пухлінамі разам са спецыялістамі вядуць больш за 20 тысяч пацыентаў. З іх апошнім часам каля паловы - гэта пацыенты з іншых краін. Толькі ў 2014 экспарт беларускіх медыцынскіх паслуг прынёс у бюджэт краіны больш за 10 мільёнаў долараў. Але галоўнае іншае: апроч нашых найбліжэйшых суседзяў, як бы дзіўна гэта не гучала, да нас часам з апошняй надзеяй на перамогу ў вайне з анкалогіяй прыязджаюць хворыя з Германіі, Францыі і ЗША. І гэту вайну ў Беларусі выйграюць.
