Спецыяльна да II Еўрапейскіх гульняў найбуйнейшую ў свеце прыватную калекцыю алімпійскіх медалёў і ўзнагарод упершыню прэзентавалі ў сталіцы. Больш як 400 экспанатаў калекцыянера і расійскага бізнесмена Уладзіміра Патаніна даставілі з Масквы. Гэта не толькі медалі, але і факелы, горны, імянныя дыпломы і кубкі. Самы стары артэфакт - гэта медалі першай Алімпіяды 1896 года, якая праходзіла ў Афінах. Выстава складаецца з 11-ці модуляў, кожны прысвечаны вызначанаму году правядзення. Аўкцыённы кошт медалёў вар'іруецца ад двух да 250 тысяч долараў.
Мінск стаў першым горадам, дзе экспазіцыю паказалі публічна. Далей прыватная калекцыя адправіцца ў міжнароднае турнэ па Алімпійскіх гульнях у Токіа-2020, Пекін-2022 і Парыж-2024.
Найбуйнейшую ў свеце прыватную калекцыю алімпійскіх медалёў і ўзнагарод прэзентавалі ў сталіцы
21 июня 2019