У Мінск разам з Аляксеем Гайдашовым вярнуўся яшчэ адзін палярнік - Сяргей Малашчанкаў. Яшчэ тры падарожнікі па-ранейшаму застаюцца на самым паўднёвым кантыненце планеты і выконваюць навуковую праграму. Фактычна экспедыцыя завершыцца толькі на пачатку лета. Галоўная з запланаваных задач ужо выкананая - у Антарктыдзе ўсталяваны першы модуль беларускай палярнай станцыі. Адзначым, складаная аперацыя па разгрузцы судна "Акадэмік Фёдараў" і мантажы платформы бесперапынна працягвалася 36 гадзін пры вельмі цяжкіх умовах надвор'я. Па словах Гайдашова, стратэгічна мы на правільным шляху - у перспектыве станцыя павінна будзе складацца з дванаццаці адсекаў.
Аляксей Гайдашоў, начальнік беларускай антарктычнай экспедыцыі: "Гэта першая цаглінка, спыняцца нельга і супакойвацца. Пакладзены толькі пачатак, уведзены толькі камандны модуль, які не дазваляе праводзіць навуковыя даследаванні, ён забяспечвае сувязь, навігацыю і камандныя сувязі. Калі мы хочам быць самадастатковымі, трэба развіваць. Ёсць план, згодна з якім у 2020 годзе мы павінны перайсці да зімовачных мерапрыемстваў".
У гэтым сезоне беларускія навукоўцы ўпершыню атрымалі магчымасць правесці даследаванні ў сакавіку і красавіку. Таксама праведзена рэалізацыя магутнай біялагічнай праграмы. Матэрыял будзе дастаўлены на зямлю ў маі.
