Беларускія і в'етнамскія навукоўцы плануюць разам вырабляць нанамікраскопы. Аб гэтым сёння ў Мінску заявіў Кіраўнік Акадэміі навук В'етнама Цьяу Ван Мінь, наведваючы выставу лепшых навуковых распрацовак нашай краіны. Такія мікраскопы дазволяць не толькі навукоўцам, але школьнікам і студэнтам вывучыць мікрасвет на нанаўзроні, а таксама праводзіць даследаванне драбнюткіх атамаў у клетках. Акрамя таго, ужо зараз наладжваецца сумесная вытворчасць беспілотнікаў. Беларускія лятальныя апараты в'етнамскія спецыялісты ўжо паспяхова выпрабавалі ва ўмовах джунгляў. У планах - і стварэнне лабараторыі па даследаванні раслін. У першую чаргу экзатычнага для нас прыроднага свету В'етнама. Навукоўцы разам будуць вырабляць лекавыя прэпараты на аснове травы.
Цьяу Ван Мінь, прэзідэнт В'етнамскай акадэміі навук і тэхналогій: "Мы імкнёмся адкрываць новыя сумесныя лабараторыі. Нам зараз цікава матэрыялазнаўства і экалагічны кірунак. Ёсць і навуковы прадукт сумесны, які мы прымянілі на практыцы. Гэта спецыяльныя рэчывы для ачысткі воды і высокатэхналагічныя лазеры. Таму мы вельмі задаволеныя такім супрацоўніцтвам".
Сяргей Чыжык, першы намеснік старшыні прэзідыума НАН Беларусі: "У нас нядрэнныя вынікі ёсць у галіне хіміі, хіміі новых матэрыялаў - гэта і ачыстка вады, і падрыхтоўка новых матэрыялаў на базе сыравіны ў В'етнаме. І зараз ствараецца лабараторыя біярэсурсаў".
