Упершыню манеўры такога фармату правераць на боегатоўнасць разведчыкаў.
Нашу краіну прадстаўляюць падраздзяленні спецыяльнай вайсковай і радыёразведкі. Усяго задзейнічана паўтары тысячы байцоў з Беларусі, Расіі, Казахстана, Кыргызстана і Таджыкістана. На працягу пяці дзён вайскоўцы адпрацуюць зладжанасць дзеянняў і пазнаёміцца з узбраеннем і радыёэлектронікай іншых краін. Асноўная задача - удасканаліць сістэму збору, аналізу і апрацоўкі інфармацыі, здабытай менавіта разведкай. Сярод высокіх гасцей, якія адкрывалі вучэнні, быў і Генеральны сакратар АДКБ Мікалай Бардзюжа.
Мікалай Бардзюжа, Генеральны сакратар АДКБ: "Гэта першыя такія вучэнні ў рамках Арганізацыі дагавора аб калектыўнай бяспецы. Яны праводзяцца па рашэнні савета міністраў абароны. Звязана гэта з неабходнасцю адпрацоўкі сістэмы разведкі, выяўлення, пошуку розных дыверсійных, разведвальных груп, якія могуць пранікаць на тэрыторыю нашых дзяржаў, і іх знішчэння. Галоўная задача, якую мы ставім, - гэта адпрацоўка пытанняў кіравання сродкамі разведкі розных дзяржаў - членаў АДКБ, а таксама атрыманне спецпадраздзяленнямі ваеннай разведкі навыку для сумесных дзеянняў".
Актыўная фаза адбудзецца 22 красавіка. Паводле легенды, разведчыкі павінны будуць правесці некалькі баявых выхадаў і ўзяць у заложнікі ўмоўнага праціўніка. Фінальная стадыя таксама мяркуе выяўленне і знішчэнне незаконнага бандфарміравання.
