Адны заняліся прыбіраннем тэрыторыі ў парку 40-годдзя Кастрычніка, другія адправіліся ў Заслаўскі раён на пасадку лесу. Усяго на чале са Старшынёй Камітэта дзяржкантролю Аляксандрам Якабсонам наводзіць парадак адправілася каля ста супрацоўнікаў.
Узялі ў рукі мяцёлкі сёння і байцы МНС. На працягу дня каля дзвюх тысяч ратавальнікаў змагаліся не з агнём, а з леташнім лісцем і смеццем на вуліцах сталіцы і вобласці, не забыўшыся пры гэтым нагадаць аб мерах асцярожнасці пры распальванні вогнішчаў.
У суботніку бярэ актыўны ўдзел прыватны бізнес і такім чынам уносіць свой уклад у добраўпарадкаванне і азеляненне горада. Таксама супрацоўнікі фірмаў пералічваюць частку сродкаў гораду з зарплаты. Грошы пойдуць на падрыхтоўку дзіцячых лагераў да летняга сезона, а таксама на мерапрыемствы па правядзенні Года беражлівасці. Узброіўшыся лапатамі і граблямі, работнікі фірмаў падтрымалі навядзенне парадку як ніколі масава.