Ля стэлы "Мінск - горад-герой" стартаваў марафон, прысвечаны 75-годдзю вызвалення Беларусі

У Мінску стартаваў марафон, прысвечаны 75-годдзю вызвалення Беларусі ад нямецка-фашысцкіх захопнікаў. Урачыстая цырымонія адбылася каля стэлы "Мінск - горад-герой". У падарожжа па месцах баявой славы ўдзельнікі адправіліся з асаблівай місіяй - запоўніць белыя плямы ў гісторыі Вялікай Перамогі. Імёны беларусаў-вызваліцеляў аб'яднае нацыянальны альбом памяці. Кожны ахвочы можа пакінуць інфармацыю пра свайго сваяка - ветэрана вайны на старонках альбома, для гэтага ў падарожжа адправілася перасоўная лабараторыя. Чакаецца, што ўдзельнікі пабываюць у самых буйных гарадах Беларусі, наведаюць дарогі вызвалення краіны.

Першы горад памятнага маршруту - Баранавічы. Там удзельнікаў марафону сустрэне калона рэтрааўтамабіляў і байкераў. Пройдзе і цырымонія ўскладання кветак да Вечнага Агню - помніка войнам-вызваліцелям.