У гэтыя дні віншаванні беларуская сталіца прымае і ад вялізнай сям'і гарадоў з усяго свету - у Мінска цэлых 23 пабрацімы - ад Вялікабрытаніі да Японіі і, у тым ліку, адразу тры з Кітая. Вось такая вялікая сям'я.
Ці не становяцца тысячы кіламетраў перашкодай сяброўству? Чаму гэтыя гарады такія блізкія беларусам па духу і такія далёкія ад нас у гастранамічным плане? Ян Пашкевіч з'ездзіў у госці і даведаўся, як схадзіць на шопінг "жывой ежы" і атрымаць урок кунг-фу проста на вуліцы? Спрачаемся аб густах… ужо зараз.
Апошні дом апошняга кіраўніка імперыі Цын - горад Чанчунь - брат беларускай сталіцы больш як чвэрць стагоддзя. Сталелі гарады паасобку, але, сустрэўшыся, адразу знайшлі падставы для сяброўства. І адзін і другі - механічнае сэрца прамысловасці. Менавіта ў Чанчуне сабралі першы ў Кітаі аўтамабіль. Сёння народная марка "Чырвоны сцяг" будуе элітныя круізныя лайнеры для дарог. Два эксклюзіўныя аўто ў знак сяброўства тут сабралі і для Беларусі.
Абодва беларуска-кітайскія браты і з вышэйшай адукацыяй - Чанчунскі універсітэт дзеліцца мудрасцю настаўнікаў адразу з 70 тысячамі студэнтаў. Акрамя таго, тут жа працуе і самая вялікая ў Кітаі відэалабараторыя - інстытут анімацыі.
Чжэн Шухуэй, намеснік генеральнага дырэктара Кітайска-беларускага тэхнапарка ў Чанчуне: "З Беларуссю нас звязвае не толькі праца. Я летась скончыў магістратуру ў БНТУ. Дагэтуль працуем са шматлікімі прафесарамі. Ёсць і агульны праект – вырошчванне беларускіх журавін у нашых прасторах.
Адна з нашых кампаній пачынала працаваць над гэтым лазерам разам з беларускімі калегамі з мінскага тэхнапарка. Зараз гэта касметычнае ноу-хау. Вось паглядзіце, ён выдаляе чорныя плямы, а поліэтылен застаецца цэлым".
Генеалагічнае дрэва Мінска пусціла карані і ў горадзе Цзілінь - братэрскія сувязі звязалі яго з Фрунзенскім раёнам сталіцы.
Ці Яньюн, старшы сакратар канцылярыі па замежных справах народнага ўрада г. Цзілінь: "Цесна сябраваць з Мінскам мы пачалі толькі сёлета, але ў нас ужо вялізныя планы. У нашым горадзе з'явілася хакейная каманда, і тут нам ёсць чаму павучыцца ў беларусаў. Бо гэта можна сказаць ваш нацыянальны від спорту".
Прама на вуліцы ўрокі майстэрства даюць і мясцовыя жыхары - разам з імі адкрылі новы кірунак кунг-фу - стыль гультаяватага зубра.
Паўстагоддзя назад горад стаў месцам падзеі касмічнага маштабу. Тут прызямліўся самы вялікі ў свеце каменны метэарыт. Удар змякчыла кукурузнае поле, вакол касмічнага каменя вырас музей.
З гэтага ж мястэчка ў сталіцу Кітая пераехала і пекінская опера.
Пры гэтым адзін аднаму адкрыты не толькі дзверы гарадоў-братоў, але і сэрцы іх жыхароў. Бо менавіта ніткі дружбы народаў і пераплятаюцца ў самую моцную сувязь.
