Яшчэ адзін горад-пабрацім - турэцкі Эскішэхір - з’явіцца ў Мінска

У Мінска можа з'явіцца яшчэ адзін горад-пабрацім - трыццаты. Ім стане турэцкі Эскішэхір, дзе пражывае мільён чалавек. Пагадненне плануюць падпісаць падчас візіту мінскай дэлегацыі ў Турцыю. У гэтым горадзе знаходзяцца прадпрыемствы машынабудавання, а таксама прамысловыя па вытворчасці бытавой тэхнікі, будаўнічых матэрыялаў і керамікі. Эскішэхір уваходзіць у дзясятку самых бяспечных гарадоў планеты.

Усяго ж у Мінска падпісана дваццаць дзевяць пагадненняў з гарадамі-пабрацімамі. Сярод іх турэцкія Анкара і Газіянтэп.