У католікаў - важнейшыя дні перад Вялікаднем, калі ўзгадваюцца пакуты Хрыста, яго ўкрыжаванне і ўваскрэсенне. У Вялікі чацвер у касцёлах прайшлі набажэнствы пра Тайную вячэру, а святары, паводле Евангельскай падзеі, абмывалі ногі сваім прыхаджанам. Сёння, у Вялікую пятніцу, дзень строгага посту у памяць пра пакуты Хрыста.
Католікі першымі з хрысціян сустракаюць Вялікдзень у гэту нядзелю. Да свята сям’і наведваюць храмы, па традыцыі чыста прыбіраюцца дамы, гаспадыні выпякаюць булкі і фарбуюць яйкі. Заўтра ў касцёлах Беларусі можна асвяціць велікодную ежу.
