Творчая каманда Белтэлерадыёкампаніі стала лаўрэатам адразу ў некалькіх намінацыях конкурсу "Энергія яркіх перамог"

Творчая каманда Белтэлерадыёкампаніі стала лаўрэатам адразу ў некалькіх намінацыях рэспубліканскага конкурсу "Энергія яркіх перамог". Ён праводзіўся сярод спартыўных журналістаў на лепшае асвятленне ходу падрыхтоўкі і ўдзелу беларускіх спартсменаў у II Еўрапейскіх гульнях, якія з поспехам прайшлі ў чэрвені ў нашай краіне. Агенцтва тэленавін адзначана за цыкл праграм "II Еўрапейскія гульні. Інфармацыйны канал" - дзённы і вячэрні. Тэлеканал "Беларусь 5" у асобе дырэктара Паўла Булацкага ўзнагароджаны за папулярызацыю баскетбола тры на тры і дзюдо. Акрамя таго, калектыву найбуйнейшага медыяхолдынга Беларусі ўручылі падзяку прэм'ер-міністра Беларусі за асвятленне галоўнай мультыспартыўнай падзеі Еўропы ў адыходзячым годзе. 

Спецыяльным прызам Беларускай федэрацыі баскетбола і Беларускай асацыяцыі спартыўнай прэсы адзначаны інстаграм-акаўнт Агенцтва тэленавін "Спорт-АТН", які быў спецыяльна створаны да II Еўрапейскіх гульняў.