Сёння Міністэрства антыманапольнага рэгулявання і гандлю Беларусі пачало пашыраны маніторынг цэн на тавары, якія традыцыйна купляюць да навагодняга стала. Рэгулятар увесь час трымае на кантролі сітуацыю па кошце сацыяльна значных тавараў, звесткі ад рытэйлу паступаюць у электронным выглядзе. Каб пазбегнуць неабгрунтаваных скокаў цэн, у гэтыя тры тыдні, калі пакупніцкі попыт павышаецца шматразова, а тавараабарот павялічваецца на траціну, вырашана павялічыць і спіс тавараў, а таксама магазінаў.
У абласных упраўленнях гандлю і ў МАРГ працуюць і гарачыя лініі. Званкі прымаюць па будных днях у рабочы час.
