Цэны на замежныя медыкаменты ў беларускіх аптэках не будуць завышацца. Папраўкі ў закон аб лекавых сродках, прынятыя сёння ў Савеце Рэспублікі, уводзяць паняцце максімальная адпускная цана. Гэту цану вытворцы будуць заяўляць пры рэгістрацыі прэпарата ў Беларусі. Акрамя таго, новаўвядзенні дазволяць спрасціць і працэдуру атрымання пасведчання. Зараз пры выдачы паўторнага пасведчання закон прадугледжвае бестэрміновую рэгістрацыю. Але гэта зусім не значыць, што знікне пастаянны кантроль за якасцю таблетак. У новым законе дакладна прапісана, што ў Беларусь, а з 2016 года і ў краіны Еўразійскага эканамічнага саюза, трапяць толькі тыя лекі, якія маюць міжнародны сертыфікат.
Тамара Далгашэй, намеснік старшыні Пастаяннай камісіі Савета Рэспублікі па адукацыі, навуцы, культуры і сацыяльным развіцці:
Калі фармацэўтычная фірма хоча заваяваць вось гэту тэрытарыяльную прастору, Рэспубліку Беларусь канкрэтна, значыць, нейкім чынам яны павінны сфарміраваць сваю цану так, каб яна была набліжанай да той, што прымяняецца на гэтай тэрыторыі.
Акрамя таго, цана прэпарата ў Беларусі, згодна з новымі правіламі, не павінна быць вышэйшай, чым у краінах-суседзях. Гэта выключыць розніцу цэн. Дарэчы, сёння ў Беларусі зарэгістравана 5 тысяч 500 лекавых прэпаратаў.
