Тры пацыенткі з COVID-19 нарадзілі клінічна здаровых немаўлят

Двое з іх з'явіліся на свет у 6-й бальніцы напярэдадні. І сёння  клініка паведамляе яшчэ аб адным радасным нараджэнні. Мамы і немаўляты адчуваюць сябе добра, чакаюць вынікаў ПЛР. Урачы адзначаюць: заражэнне нованароджаных - вельмі рэдкая з'ява. 

Дзмітрый Нікіцін, загадчык аддзялення 6-й гарадской клінічнай бальніцы: "Вядзенне родаў не адрозніваецца ў жанчын з інфекцыяй COVID ад іншых пацыентаў. Гэта значыць мы праводзім і кесарава сячэнне па паказаннях, яны могуць нараджаць і самастойна. У нас нарадзілі тры жанчыны, у нас тры нованароджаныя. Пацыенткі адчуваюць сябе добра, дзеці клінічна здаровыя, чакаюць вынікаў ПЛР". 

Адзначым, 6-ая гарадская клінічная бальніца адной з першых была перакваліфікаваная для пацыентаў з COVID-19.