Вадзіцелі, якія не саступаюць дарогу або няправільна паркуюцца ў дварах, рызыкуюць атрымаць штраф у рэжыме анлайн.
Руслан Туркоў аб працы службы 103. Гэтае відэа, знятае ў Цюмені ў красавіку гэтага года, набярэ ў Сусветнай павуціне больш як паўмільён праглядаў. Пазней менавіта гэты відэазапіс з відэарэгістратара відавочцы будзе фігураваць у справе як доказ віны вадзіцеля легкавушкі, які ледзь не пазбавіў жыцця нованароджанага пацыента і брыгаду медыкаў.
А гэта ўжо Мінск. Рэанімабіль пад'язджае да самага ажыўленага сталічнага праспекта ў гадзіну пік. Звярніце ўвагу: зялёнае святло не на карысць машыны хуткай дапамогі.
Вадзіцелі сталі больш уважлівыя, кажа Генадзь Панкратовіч. Ён ужо не адзін год за рулём хуткай. І яго машына была адной з першых у Мінску, на якой усталявалі відэарэгістратар.
Не саступаюць дарогу - гэта яшчэ палова бяды, лічаць на Мінскай станцыі хуткай дапамогі. Значна больш непрыемнасцяў ад машын у дварах, гаспадары якіх проста пакінулі іх на праезнай частцы.
Рэгістратар, лічаць тут, дапаможа вырашыць і гэтую праблему. Да таго ж у ДАІ горада ўжо ёсць вопыт, як правільна вырашыць аварыйныя і парковачныя сітуацыі, якія трапілі ў аб'ектыў рэгістратара.
Відэазапісы з рэгістратараў стануць таксама дадатковым доказам і ў спрэчных дарожна-транспартных здарэннях з удзелам хуткіх. Бо ўключаная мігалка не заўсёды, як паказвае практыка, працуе на карысць вадзіцеля спецмашыны.
Сёння ў сталічным аўтапарку хуткай дапамогі працуюць 152 брыгады. Траціна з іх ужо абсталявана відэарэгістратарамі.
