Трэнеры і спартсмены ўсклалі кветкі да помніка ахвярам Масюкоўшчынскага лагера смерці

Спартсмены аддаюць даніну памяці тым, хто ваяваў за вызваленне Беларусі. Члены нацыянальнай зборнай па веласпорце - у іх ліку трыумфатар Еўрапейскіх гульняў Таццяна Шаракова, трэнеры і спартсмены вучылішча алімпійскага рэзерву ўсклалі кветкі да помніка ахвярам Масюкоўшчынскага лагера смерці. За гады вайны тут загінулі больш за 80 тысяч ваеннапалонных.

Наталля Цылінская, старшыня Беларускай федэрацыі веласіпеднага спорту: "Мне здаецца, няма, пэўна, ні адной сям'і ў нас, каго не закранула вайна. І ў мяне ў тым ліку, у мяне бабулі і дзядулі ваявалі, партызанілі, і вельмі ў многіх такая ж сітуацыя. А як нашым дзецям даведацца пра тое, кім былі іх бабулі з дзядулямі? Толькі па нашых аповедах, толькі па тым, што мы ім перададзім. Ні для каго не сакрэт, што загінуўшыя, памерлыя нашы сваякі жывыя датуль, пакуль мы пра іх памятаем".

Такія акцыі ўжо традыцыйныя. Спартсмены не толькі наведваюць мемарыялы, але і працуюць на іх добраўпарадкаванні.