Традыцыі Вахты памяці ў Брэсцкай крэпасці споўнілася 47 гадоў

Прыемна, што на нашай зямлі ёсць такія адораныя людзі, якія да таго ж шчыра любяць сваю справу і месца, у якім жывуць. 
Прычым, многія юныя беларусы лічаць за гонар служыць сваёй краіне. 
47 гадоў споўнілася традыцыі Вахты памяці ў Брэсцкай крэпасці. Варта ля Вечнага агню стала адной з візітных картак горада.
Кожны дзень у яе заступаюць 25 школьнікаў. І для кожнага з іх гэта не проста звычай, а даніна памяці абаронцам цытадэлі. 

Марыя Тройніч пазнаёмілася з юнымі армейцамі.
З самай раніцы ў паўднёва-ўсходняй казарме Брэсцкай крэпасці юнаармейцы рыхтуюцца да агляду знешняга выгляду
У дзяўчат валасы заплеценыя ў тугія косы - абавязкова з белымі бантамі, у хлопцаў - ідэальна выпрасаваныя гальштукі. 
Неначышчаны абцас або зморшчына на адзенні - і адразу заўвага. Любую нядбайнасць возьмуць на аловак. На пасту нумар адзін армейская дысцыпліна. 
За прыгожай карцінкай стаяць месяцы тэорыі і страявой падрыхтоўкі
Заняткі праходзяць у тых жа казармах, дзе падчас вайны знаходзіўся стралковы полк крэпасці
Вахту памяці ля Вечнага агню юнаармейцы нясуць і ў спякоту, і ў сцюжу. У адной паставе, не зварухнуўшыся, трэба прастаяць 20 хвілін. Затым вартавых заменіць наступная змена
Кожны дзень у варту заступаюць 25 юнакоў і дзяўчат. Для адзінаццацікласніцы Сафіі Федзюковіч Вахта памяці - ужо сямейная традыцыя. Ля Вечнага агню ў розныя гады стаялі яе бабуля і мама. 
За 47 гадоў праз Вахту памяці прайшлі 93 тысячы юнаармейцаў.
Трапіць у варту няпроста: спачатку старшакласнікі праходзяць своеасаблівы кастынг у сваіх школах. Выбіраюць лепшых з лепшых

Нясуць варту ў Брэсцкай крэпасці і падчас святкавання тысячагоддзя горада. Юнаармейцы ў гонар свята на вахце - у параднай форме.