Вялікае духоўнае свята сёння аб'яднала ўсіх беларусаў. У Жыровічы з'ехаліся праваслаўныя вернікі з усіх куткоў нашай краіны і нават з замежжа. 20 мая - дзень з'яўлення цудатворнай святыні, іконы Божай Маці Жыровіцкай. Яна ўнікальная, шырока ўшанаваная і ўваходзіць у лік самых значных праваслаўных выяў усяго свету. Урачыстасць у гонар Багародзіцы Жыровіцкай - традыцыйная, але кожны год прыўносіць у святкаванні свой непаўторны каларыт.
Наш карэспандэнт Наталля Бардзілоўская пабывала на намоленым месцы, каб сваімі вачамі ўбачыць сённяшняе свята і распавесці, як гэта было (падрабязнасці ў відэа).
