Прэзідэнт павіншаваў беларусаў з Днём абаронцаў Айчыны
"У краіне створана прафесійная, добра абсталяваная мабільная армія, здольная спыніць любога агрэсара. Яна - надзейны шчыт дзяржавы, вырашальны фактар гарантавання яе бяспекі і тэрытарыяльнай цэласнасці. Штогод у Беларусі ў армейскі строй становяцца тысячы маладых людзей - сапраўдных патрыётаў, якія верныя прысязе, шануюць пераможныя традыцыі ветэранаў і памяць загінуўшых за свабоду народа. Няхай доблесць і адвага герояў Вялікай Айчыннай вайны, мужнасць і стойкасць воінаў-інтэрнацыяналістаў служаць прыкладам для ўсіх, хто сёння з гонарам выконвае свой воінскі абавязак", - пажадаў кіраўнік дзяржавы.Урачыстыя мерапрыемствы прайшлі ва ўсіх рэгіёнах краіны. З асаблівым цяплом беларусы ўшанавалі памяць герояў, якія набліжалі Вялікую Перамогу - па ўсёй краіне адбыліся мітынгі, да брацкіх магіл ляглі кветкі. У Віцебску стартаваў патрыятычны аўтапрабег. З падрабязнасцямі святочнага дня Марына Раманоўская.