У Магілёўскай вобласці сёння ў жыхароў - а гэта 40 сем'яў - наваселле. Урачыстая цырымонія адкрыцця новага шматкватэрнага жылога дома адбылася ў Бялынічах. Ключы атрымалі ў тым ліку 28 шматдзетных сем'яў. У новае жыллё разам з бацькамі заедуць - можаце сабе ўявіць - 92 дзіцяці. У планах на наступны год - узвесці яшчэ адзін такі ж дом.
І тэмпы росту ўзвядзення жылля толькі паскараюцца. У Магілёўскай вобласці за гэты год пабудавана 686 кватэр для шматдзетных сем'яў. Лічба ў тры разы большая, чым за аналагічны перыяд мінулага года. Сёння амаль 80 % сродкаў дзяржпадтрымкі накіроўваецца шматдзетным сем'ям. За апошнія пяць гадоў колькасць такіх сем'яў у Магілёўскай вобласці павялічылася на 40 %.
