Звыш трох тысяч нашых суайчыннікаў атрымалі дапамогу па вяртанні на радзіму

Звыш трох тысяч нашых суайчыннікаў атрымалі дапамогу па вяртанні на радзіму пасля ўвядзення рознымі дзяржавамі абмежаванняў на перамяшчэнне ў сувязі з эпідэміялагічнай сітуацый, выкліканай Covid-19. Праца Міністэрства замежных спраў Беларусі па вяртанні беларускіх грамадзян не спыняецца ні на хвіліну.

І сёння праз пункт пропуску "Урбаны" ў Браслаўскім раёне вярнуліся на радзіму 140 беларускіх дзяцей, якія адпачывалі ў Юрмале ў санаторыі "Беларусь". Пытанне вяртання дзяцей вырашалі МЗС і Мінтранс. Тры аўтобусы з беларускімі нумарамі ўчора ўпусцілі на тэрыторыю Латвіі, сёння яны вярнуліся.