Да юбілею прымеркаваная грандыёзная анлайн-распрадажа: усе білеты па кошце лоўкостаў.
Перавозчык прапаноўвае сваім пасажырам адзіны тарыф. Незалежна ад кірунку палёту, білет туды - зваротна абыдзецца ўсяго 20 еўра. Праўда, без уліку паліўных збораў. Набыць білеты можна толькі на працягу сутак - 5 сакавіка. І толькі на сайце кампаніі. Падарожнічаць з "Белавія" па прывабных цэнах можна будзе да канца студзеня наступнага года.
Дарэчы, сёлета перавозчык рыхтуе для сваіх пасажыраў яшчэ некалькі сюрпрызаў. Кампанія завяршае працу над сваім новым іміджам. Якім ён будзе, даведаемся ўжо летам - з прылётам у беларускую сталіцу першага з трох новых самалётаў з завода-вытворцы "Боінг". Акрамя таго, працягваецца праца над пашырэннем маршрутнай сеткі. На чарзе такія кірункі, як Брусель, Капенгаген, Мюнхен і шэраг іншых еўрапейскіх гарадоў.
