Суд па справе топ-менеджараў Белгазпрамбанка пачнецца 17 лютага. Дата вызначана на папярэднім судовым пасяджэнні, якое прайшло сёння ў судзе Маскоўскага раёна Мінска. Разглядалася пытанне аб выкананні ўмоў дасудовых пагадненняў аб супрацоўніцтве, заключаных з шасцю абвінавачванымі, а менавіта Бадзеем, Дабралётам, Кузьмічам, Ільясюком, Шабаном, Кабяком.
Выкананы ўсе патрабаванні закона: дасудовае пагадненне аб супрацоўніцтве заключана добраахвотна і пры ўдзеле іх абаронцаў. Пракурор таксама пацвердзіў выкананне абвінавачванымі абавязацельстваў па аказанні садзейнічання папярэдняму следству ў расследаванні злачынства, а таксама па выплаце даходу, здабытага злачынным шляхам.
Асноўны фігурант справы Віктар Бабарыка на пасяджэнні не прысутнічаў. Ён адзіны, хто адмовіўся прызнаць сваю віну і не супрацоўнічаў са следствам. Крымінальнае праследаванне ажыццяўляецца і ў дачыненні да саўладальніка і кіраўніка кампаніі "Актыўлізінг" за даванне хабару службовым асобам. Падтрымаць абвінавачваных прыйшоў і палітолаг Юрый Васкрасенскі.
Нагадаем, былы старшыня праўлення Белгазпрамбанка Віктар Бабарыка абвінавачваецца ў атрыманні хабару ў асабліва буйным памеры арганізаванай групай і легалізацыі даходаў, атрыманых злачынным шляхам у асабліва буйным памеры. Следчымі высветлена, што Бабарыка, калі быў старшынёй праўлення Белгазпрамбанка, з мэтай сістэматычнага атрымання незаконных грашовых узнагарод ад камерцыйных арганізацый стварыў з ліку сваіх намеснікаў арганізаваную групу, якая незаконна атрымлівала ад прадстаўнікоў камерцыйных арганізацый грошы на суму больш чым 30 млн рублёў. Віну ў інкрымінаваных злачынствах абвінавачваныя, акрамя Бабарыкі, прызналі поўнасцю.
