Рэканструкцыя аднаго з незвычайных аб'ектаў, якія ўключаны ў праграму падрыхтоўкі Брэста да тысячагоддзя, набліжаецца да завяршэння. Новы тэатр лялек будуецца ўжо 9 гадоў. Будынак адрозніваецца знешнім дызайнам і ўнутраным начынкай. Прадугледжаны дзве глядзельныя залы на 200 і 70 месцаў з сістэмай абагравання і кандыцыянавання. Але галоўны сюрпрыз - гэта сучасная сцэна-трансформер, якая дазволіць выкарыстаць спецэфекты. А дэкарацыі для спектакляў будуць дастаўляць спецыяльныя пад'ёмнікі.
Зараз у брэсцкай трупы з'явіліся прасторныя майстэрні і мастацкія цэхі, а таксама памяшканні для захоўвання рэквізіту. У новым будынку плануюць стварыць вакальную студыю альбо музычны тэатр. Гэта будзе своеасаблівы культурны цэнтр для правядзення майстар-класаў і фестываляў. І, вядома, не абыдзецца без тэатральных прэм'ер і любімых пастановак.
