У дзяржаўным сацыяльным страхаванні зараз змогуць удзельнічаць каля 37 тысяч плацельшчыкаў адзінага падатку з ліку самазанятых асоб. Таксама ўказам вызначана, што індывідуальныя прадпрымальнікі, натарыусы і адвакаты змогуць выплачваць узносы ў Фонд сацыяльнага страхавання толькі за перыяд фактычнай працы з атрыманнем даходаў.
Наталія Паўлючэнка, кіраўнік Фонду сацабароны насельніцтва Міністэрства працы і сацабароны Беларусі: "Звярнуўшыся ў орган фонду, на бязвыплатнай аснове вы можаце атрымаць даведку-выпіску са свайго індывідуальнага асабовага рахунку аб сваім страхавым стажы. Даведацца, ці выплачваюцца ўзносы, калі гэта працуючы грамадзянін, за вас, не выплачваюцца, у якім памеры выплачваюцца. Патрабаванні да працоўнага стажу ў нас узраслі, калі некалі гэта было 5 гадоў, то да 2025 года гэта будзе ўжо 20 гадоў".
У першыя два тыдні пасля выхаду ўказа ў органы Фонду сацыяльнай абароны насельніцтва за растлумачэннямі аб парадку і сумах выплаты ўжо звярнуліся больш за 200 чалавек.
