Няўстойлівае надвор'е не перашкода якаснаму адпачынку. Сталічныя пляжы карыстаюцца папулярнасцю сярод мінчан. Сёлета да купальнага сезона аднавілі ўсе ўзбярэжныя зоны сталічных вадаёмаў.
Усталявалі новыя альтанкі, лясную мэблю, а таксама дадатковыя мангалы і кабіны для пераапранання. Да таго ж упершыню для сталіцы закупілі спецыяльную пляжную тэхніку - машыну-"сіта". Яна дапамагае падтрымліваць чысціню. Больш падрабязна раскажа Аляксандра Кавеліч.
Саліст Вялікага тэатра Беларусі Дмітрый Капілаў у вольны час праменад па традыцыі здзяйсняе ўздоўж Цнянскага вадасховішча. Прыгожая набярэжная і прасторныя пляжы сталі любімым месцам адпачынку. Летась тут завяршылі маштабную рэканструкцыю. Сёлета ўсталявалі новыя спартыўныя пляцоўкі.
Актыўны адпачынак ці пікнік ля вады… Да летняга сезона ўсе сталічныя пляжы аднавілі – усталявалі новыя альтанкі, лясную мэблю, а таксама дадатковыя мангалы і кабінкі для пераапранання.
Павялічваюць і плошчу аўтамабільных стаянак. Велапаркоўкі - для аматараў экатранспарту. А для дзяцей - гульнявыя комплексы. Праўда, у самых маленькіх застаюцца свае пажаданні.
А гэта Заслаўскае вадасховішча. Тут шматлюдна нават у будні. Купальны сезон мясцовыя пляжы сустракаюць у новым фармаце.
Адпачываць ля самай вады ці проста гуляць па беразе можна з максімальным камфортам. Сёлета на пляжы завезлі 7 тысяч кубоў дробнага пяску – амаль як на марскім узбярэжжы.
А каб падтрымліваць чысціню на пясчаных пляжах, закупілі спецыяльную тэхніку. Вялікая машына-«пыласос» за лічаныя хвіліны прыбярэ смецце, галінкі і каменне.
Такія ж пясчаныя пляжы з'явяцца і ля іншых вадаёмаў. Усяго ж сёлета ў сталіцы абсталявалі 20 месцаў адпачынку ля вады - рэлакс-зоны ля Камсамольскага возера, вадахсовішчаў Дразды і Крыніца, а таксама Заслаўскага і Цнянскага. Там пастаянна сочаць і за чысцінёй саміх акваторый. Пакуль забароны на купанне не ўведзена.