Накарміць гарачым абедам урачоў вырашыла сталічнае кафэ і нават зачыніла дзверы для наведвальнікаў. Ужо заўтра першыя 100 порцый адправяць у Мінскую інфекцыйную бальніцу. Меню распісана на тыдзень. Паводле патрэбы, з наступнага тыдня змогуць нарасціць аб'ёмы да 300 комплексаў. Ініцыятыву ўжо падтрымалі шматлікія пастаўшчыкі прадуктаў і аднаразовага посуду.
Юрый Агеенка, шэф-кухар: "Мы не хочам быць маці Тэрэзай, мы хочам быць бабуляй Аняй! Зараз урачам не даехаць да сваёй мамы і не паесці смачнага баршчу. А мы можам гэты боршч прыгатаваць і ім прывезці. Даць ім лішніх 15 хвілін, каб яны не бегалі па буфетах, не думаць, якую ім катлету з'есці. У нас няма місіі накарміць галодных. Нашы ўрачы не галодныя. Дзяржава ўсё што можа і што павінна рабіць, яна робіць!".
Нагадаем, падтрымаць медыкаў можа кожны! Адкрыты дабрачынны рахунак. Рэквізіты на сайце Міністэрства аховы здароўя. Грошы размяркуюць сярод бальніц па патрэбнасцях.
Сталічнае кафэ будзе бясплатна карміць урачоў
25 марта 2020