Гэта пацвярджае і статус, напрыклад, Старыцкай участковай бальніцы, што ў Капыльскім раёне. У сваёй намінацыі яна стала лепшай па выніках рэспубліканскага агляду-конкурсу. Пра якасную медыцыну крокавай даступнасці Алена Вітко.
Старыцкая ўчастковая бальніца працуе па прынцыпе ўрача агульнай практыкі. Гэта значыць, тэрапеўт - хірург - лор - афтальмолаг - усё ў адным. Такі спецыяліст шырокага профілю асабліва запатрабаваны ў сельскай мясцовасці. Тут гэтую ролю выконвае Вераніка Тароцька. Пасля размеркавання яна працуе каля 5 гадоў.
Абслугоўваюць адразу 37 вёсак Капыльскага раёна. А гэта больш за 2,5 тысячы чалавек
Прайсці лячэнне можна ў стацыянары, пры неабходнасці арганізуюць і выязны прыём.Падбадзёрыць пацыента, аблегчыць сімптомы прастуды і палепшыць імунітэт дапамагае не толькі прафесіяналізм медыкаў. На якасць паслуг ўплывае тэхнічнае абсталяванне.
Гэта кабінет функцыянальнай дыягностыкі. Апарат ЭКГ задзейнічаны кожны дзень. А побач спірограф, яго атрымалі ў мінулым годзе. Новае абсталяванне дазваляе праверыць функцыі дыхальнай сістэмы. Захворванні лёгкіх можна выявіць на ранніх стадыях. Заключэнне праз 5 хвілін.