Ну, а тут праблемы са свету рэальнага, і, на жаль, яны прыкметныя не толькі вузкім спецыялістам. Факты незаконнага і неэфектыўнага выкарыстання крэдытаў сталі падставай чарговай праверкі дзяржкантролю. Гэтым разам на прадпрыемстве Рэчыцадрэў. Нягледзячы на тое, што мадэрнізацыя для ўсёй галіны тэма вострая, тут ізноў адкладваюць тэрміны ўводу новых аб'ектаў. Так што, пакуль замест прыбыткаў ад новых ліній адны страты.
Чаму - разбіраўся Аляксей Немаў. Рэалізацыя інвестыцыйнага праекта на прадпрыемстве пачалася ў 2007 годзе. Планавалася мадэрнізаваць вытворчасць па выпуску ДСП, фанеры і ламінату, а таксама ўдасканаліць і перанесці мэблевую фабрыку. Тэрміны завяршэння праекта за гэты час змяняліся ўжо 5 разоў. Адным з праблемных аб'ектаў стаў завод сінтэтычных смолаў, які будуецца. Увод яго ў эксплуатацыю дазволіць адмовіцца ад імпартнай смалы, тым самым паменшыўшы кошт гатовай прадукцыі і павялічыўшы рэнтабельнасць.
Кіраўніцтва прадпрыемства прычыну пераносаў тэрмінаў называе адну. На Рэчыцадрэве адначасова вядзецца некалькі прац - і праектаванне, і будаўніцтва. Менавіта таму агульная сума выдаткаў высвятляецца не адразу. За ўвесь час шматлікія аб'екты павялічыліся ў цане практычна ў паўтара раза.
Дзмітрый Прыкота, намеснік начальніка ўпраўлення КДК Гомельскай вобласці: Былі ўстаноўленыя факты прыёмкі і аплаты таварыствам будаўніча-мантажных і праектных прац, якія не адпавядалі патрабаванням тэхнічных прававых актаў і праектна-каштарыснай дакументацыі агульным коштам амаль 2 млрд. рублёў. Пасля ўмяшання Камітэта дзяржкантролю на паказаную суму была паменшаная запазычанасць таварыства перад падраднымі і праектнымі арганізацыямі.
Ход мадэрнізацыі на прадпрыемстве спецыялісты ўзялі пад жорсткі кантроль. Кіраўніцтва завода ўпэўненае: 2-і пускавы комплекс, гатоўнасць якога складае зараз усяго 55%, будзе здадзены ў тэрмін.
Валерый Тулейка, генеральны дырэктар ААТ Рэчыцадрэў: На дадзены момант, сёння, мы ўжо маем фінансаванне, ужо ўсё вызначана. Таму будаўнікі падвояцца, патрояцца, і агульнымі намаганнямі мы гэты аб'ект у лютым здадзім абавязкова.
Пакуль жа чарговыя тэрміны завяршэння мадэрнізацыі некаторых вытворчасцяў усё яшчэ знаходзяцца пад пагрозай. А значыць і выдаткі на будаўніцтва пастаянна павялічваюцца.
