Сярэднюю школу № 8 у Крычаве, у мікрараёне Камсамольскі, увядуць у строй да 1 верасня. Гэта сёння заявіў намеснік прэм'ер-міністра Анатоль Калінін падчас візіту ў Магілёўскую вобласць. Адзначым, будынак узводзіцца побач з пляцоўкай, дзе знаходзілася старая гімназія, у якой 29 жніўня 2014 года адбылося абвальванне. Зараз завяршаюцца аддзелачныя работы, вядзецца будаўніцтва басейна і стадыёна. На наступным тыдні пачнуць добраўпарадкаваць прылеглую тэрыторыю.
Як падкрэсліў віцэ-прэм'ер, школа павінна стаць адной з самых сучасных устаноў адукацыі не толькі ў вобласці, але і краіне.
