Новая школа ў Астраўцы адкрылася толькі ў верасні
Высокатэхналагічныя класы, трэнажорная зала і ўтульныя кабінеты. Новая школа ў Астраўцы адкрылася толькі ў верасні. Але яе магчымасці ўжо ацанілі нават самі школьнікі. Статус горада, вядома, вызначае асаблівы падыход у навучанні. Трэнд - прафарыентацыя. Так, 9-гадовы Даніла выбар будучай спецыяльнасці расклаў літаральна на атамы.У Астраўцы зможа жыць каля 25 тысяч чалавек
Першая лінейка тут прайшла для 420 школьнікаў, у перспектыве тут могуць прыняць амаль столькі ж. Сёлета ў Астраўцы таксама пачалі працаваць новы дзіцячы сад і цэнтр творчасці. У планах яшчэ больш.Сухая мова лічбаў максімальна красамоўна апісвае развіццё горада атамшчыкаў. За 6 гадоў колькасць насельніцтва вырасла на траціну. Сёння тут жыве амаль 12 тысяч чалавек. А ў перспектыве будзе ўдвая больш. Натуральна, новыя абрысы набывае і інфраструктура. З 2012 аднапавярховы Астравец падрос на цэлыя тры мікрараёны, а гэта каля 200 тысяч квадратных метраў жылля.
Кампактныя дамы, кафэ, магазіны. Два мікрараёны горада цалкам уладкаваныя. Трэці пакуль яшчэ абрастае будынкамі, паркамі і зонамі адпачынку.
У Астраўцы адкрыецца новая бальніца
Горад будучыні стаў і своеасаблівым месцам прыцягнення спецыялістаў. Рэгулярна адкрываюцца вакансіі. Сярод самых запатрабаваных інжынеры, праграмісты і ўрачы. Толькі тут у найбліжэйшы час рабочыя месцы зоймуць больш за тысячу чалавек. Самы буйны медыцынскі цэнтр горада адкрыецца ўжо ў канцы снежня. Спачатку ўвядуць у эксплуатацыю пяць аддзяленняў, у наступным годзе яшчэ дзевяць. Умяшчальнасць новай бальніцы - амаль 400 месцаў, прайсці абследаванне змогуць нават жыхары іншых гарадоў рэгіёна.Спартыўна-аздараўленчы комплекс адчыніць свае дзверы ў канцы снежня
Рыхтуецца да адкрыцця і шматфункцыянальны спартыўны комплекс. Унутры басейна, фітнес-цэнтр, кафэ. Знадворку некалькі гульнявых пляцовак.
Энергаград літаральна зараджаны на будаўніцтва. На наступны год прызначана ўзвядзенне адразу некалькіх вялікіх сацыяльных аб'ектаў - культурнага комплексу, лядовай пляцоўкі і арэнднага дома. Некалі глухая правінцыя сёння перажывае сапраўдны рэнесанс, які адчуваецца на кожным квадратным метры.