Спіс наркатычных рэчываў, забароненых на тэрыторыі нашай краіны, пашыраны

Яго папоўнілі 46 найменняў. Сёння абноўлены рэестр апублікавалі на нацыянальна-прававым інтэрнэт-партале. Ініцыятыва ўнясення змяненняў ва ўжо існуючы пералік належыць айчынным экспертам. Звычайна небяспечнае наркатычнае рэчыва канфіскоўвае міліцыя. Пасля гэтага спецыялістам неабходны некаторы час для таго, каб унесці наркотык у спіс забароненых. Аднак у дадзеным выпадку праваахоўнікі спрацавалі на апярэджанне. Ніводная з указаных у рэестры формул у Беларусі яшчэ не сустракалася, але ўжо з'яўляецца падкантрольнай. Таму за ўвоз і распаўсюджванне гэтых наркотыкаў ужо зараз прадугледжаная крымінальная адказнасць.