Спецыяльны рэпартаж "Па-за іголкай" у аўторак пасля "Панарамы"

8 Снежня 2019
Не будзе перабольшаннем, калі скажам, што забароненыя рэчывы ўжо даўно сталі бічом нашага часу. 17 гадоў узмоцненага рэжыму. На гэтым тыдні ў Астраўцы аб’явілі прыгавор па гучнай наркасправе.  Грамадзянін Расіі спрабаваў завезці ў нашу краіну 300 кілаграмаў  гашышу. Фігурант быў затрыманы на беларуска-літоўскай мяжы, кантрабанда знаходзілася ў схованках аўтамабіля. 

За апошні месяц гэта не першы рэзанансны працэс, суды ў дачыненні наркагандляроў з буйнымі партыямі праходзілі ў Брэсце, Барысаве і іншых гарадах. Тэрміны не малыя, але, здаецца, гэта не спыняе  ні спажыўцоў, ні прадаўцоў белай смерці. Як жывуць тыя, для каго наркотык стаў сэнсам жыцця? Спецыяльны рэпартаж журналістаў Агенцтва тэленавін "Па-за іголкай"   мы пакажам у аўторак  адразу пасля "Панарамы".