У Мінску адкрыўся цэнтр вытворчых тэхналогій

13 Кастрычніка 2019

Спецыялістаў для працы на беларуска-кітайскім прадпрыемстве "МАЗ-Вейчай" па выпуску рухавікоў  будуць рыхтаваць у новым вучэбным цэнтры. Яго адкрыццё адбылося сёння  ў аўтамеханічным каледжы сталіцы.  У будаўніцтва інвеставаў кітайскі бок. Партнёры з Паднябеснай выдзелілі неабходнае абсталяванне  амаль на  2 мільёны рублёў. Новыя тэхналогіі будуць вывучаць не толькі студэнты каледжа, але і спецыялісты сэрвісных цэнтраў краін - пакупнікоў беларускага МАЗа. Адзначым, рашэнне  пачаць будаўніцтва завода і вучэбны  цэнтр прынялі падчас візіту Кіраўніка нашай дзяржавы ў Кітай  у 2016 годзе пасля падпісання мемарандума аб супрацоўніцтве.

Новы вучэбны цэнтр ужо назвалі інавацыйным. Свае дзверы для вучняў ён расчыніць заўтра. Наступны крок, па словах кітайскіх партнёраў, - стварэнне такога ж цэнтра па  каробках перадач.