Напярэдадні прафесійнага свята ратавальнікі прадэманстравалі свае навыкі на "Лініі Сталіна". Тыя, хто не пабаяўся марозу і прыехаў парадавацца святочнай атмасферы, змаглі ўбачыць сучасную тэхніку і абсталяванне, якія МНС выкарыстоўвае пры выкананні заданняў. Таксама гледачы сталі сведкамі таго, як ратавальнікі вызвалялі з вады чалавека, які тануў, і тушылі пажар. На мерапрыемстве пабывала і наша здымачная група. Падрабязнасці - у Карыны Пашковай.
Клубы дыму, полымя і, вядома, небяспека. Для байцоў МНС гэта не рэдкасць, а працоўныя будні. Бо іх задача - дапамагаць тым, хто апынуўся ў бядзе. Часцяком нават ахвяруючы сваім жыццём.
Падчас мерапрыемстваў ратавальнікі яшчэ раз пацвердзілі сваё высокае званне і далі, мабыць, бескампрамісны адказ на пытанне, а ці ёсць для іх нешта немагчымае. З усімі задачамі байцы МНС справіліся на выдатна. І станоўчая рэакцыя публікі гэта яшчэ раз пацвердзіла.
Акрамя асабістых прафесійных якасцяў, у беларускага МНС ёсць для выканання сваіх задач і добрыя тэхнічныя магчымасці. Вывучыць абсталяванне, якое выкарыстоўваюць ратавальнікі, змаглі ўсе прысутныя на мерапрыемстве.
У фінале свята арганізатары падрыхтавалі як заўсёды яркае шоу - рэканструкцыю баявых дзеянняў Афганскай вайны. Перад вачыма гасцей паўстаў эпізод, звязаны з узяццем блок-паста. Такіх у тыя страшныя гады было нямала. Але і сёння пастаноўка цікавая як дарослым, так і дзецям.
