Лакалізацыя вытворчасці прадукцыі беларускіх і расійскіх прадпрыемстваў і допуск да дзяржзакупак - асноўныя задачы саюзнай праграмы па адзінай прамысловай палітыцы. Аб гэтым у "Галоўным эфіры" распавёў першы віцэ-прэм'ер Мікалай Снапкоў. Асаблівая ўвага стварэнню аднолькавых умоў для вытворцаў, фарміраванне сумесных стратэгій імпартазамяшчэння і прызнанне тэхналагічных аперацый. І такі дасканалы падыход па кожнай з 28 саюзных праграм.
У асноўным усе саюзныя праграмы запрацуюць да 2025 года. Што датычыцца рынку газу, то ўжо ў наступным годзе абодва бакі сумесна распрацуюць прынцыпы яго функцыянавання і рэгулявання.